Мамырдың 13-і ТарМУ-дың мәжіліс залында университеттің жас ғалымдары мен профессор-оқытушылар құрамының басқосуы өтіп, университет ғылымын дамытудағы басты мәселелер талқыланды. Семинар жұмысын Жас ғалымдар кеңесінің төрағасы Бауыржан Манапбаев ашып, жүргізіп отырды. Іс-шараға, сонымен қатар, университет ректоры, проректорлар, институт директорлары, кафедра меңгерушілері және бөлім бастықтары қатысты.

М.Х. Дулати атындағы Тараз мемлекеттік университеті «Сапалы білім» номинациясы бойынша «Алтын Көшбасшылар» байқауының жеңімпазы атанып, сапа сертфикатына ие болды. Жеңімпазды марапаттау рәсімі мамырдың 11-і күні М. Үркімбаев атындағы Жастар сарайында салтанатты жағдайда өтті.

Мамырдың 4-і күні ТарМУ-дың гидро кешенінің спорт алаңында  ҚР Қарулы күштеріне 21 жыл және Ұлы Отан соғысының 68-жылдығына орай әскери эстафета өтті. Аталмыш эстфетаға әскери кафедраның студенттері, ТарМУ мен ТарМПИ-дің алғашқы әскери дайындық мамандығының студенттері, сонымен қатар, 85395, 28903 әскери бөлімдері мен 5513 ішкі әскери бөлімдері қатысты.