Студенттердің ғылыми жұмысы сарапқа салынды.

Тараз мемлекеттік университетінің Жастар сарайында, студенттердің XI ғылыми-практикалық конференциясы өтті.

Осы жылдың ТМД елдеріндегі жастар жылы деп белгіленуіне арналып ұйымдастырылған конференция жаратылыстану, техникалық, әлеуметтік-гуманитарлық және экономика ғылымдары саласы бойынша 19 секцияны қамтыды. Секцияларда топтастырылған ғылыми мақалалар  заманауи бәсекелестікке сай қарқынмен дамыған қазіргі ғылыми тұжырымдарды қамтығандығымен, жаңалықтарының маңыздылығымен студент-жастардың назарын айрықша аударды.

Секциялық жиындар аяқталған соң, конференция жұмысы қорытындыланып, жиынға белсене қатысқан студенттер марапатталды.